何超儀唔單止鍾意拍戲，最近佢仲做埋舞台劇，同謝君豪一齊演出由毛俊輝監督嘅《情話紫釵》，呢套劇仲有機會喺上海演出，早幾日超儀同謝君豪等人一齊去到上海出席記者會，由於呢套劇講到男女感情關係，現場記者自然問超儀對呢方面嘅睇法。有傳媒問到已經結婚多年嘅超儀點樣去維持夫婦間嘅感情？超儀好老實咁話：「不要以為結了婚就可以不理，其實我平時都花很多時間跟努力去維繫跟老公的感情。」