踏入9月，各位學生放完暑假都要收拾心情開學，影協亦馬上統計呢個暑假電影票房嘅成績，經過計算，呢個暑假嘅電影票房總收入為3.3億，比起去年暑假升咗成28%。究竟邊套戲票房最好？咪就係老幼咸宜嘅《反斗奇兵3》囉！截至前日有成8,800萬，好有機會成為今年票房NO.1，《潛行凶間》就緊隨其後，有5,400幾萬。相比下冇一部港產片有過千萬票房，睇嚟香港電影人要加倍努力。