台灣新女李依璇（白白）新簽了BMA公司，羅傑承夫婦、JessicaC.（JC），以及陳肇麒（陳七）等一眾南華球星噚日到黃金海岸鄉村俱樂部遊艇會出席「南華10/11球季新聞發佈會」，擁有34C警鐘胸嘅JC雖然以運動bratop出現，但論cup數就輸畀32F嘅白白，白白仲好鬼大方着低胸短裙示人，啲球星即時睇到眼甘甘。
白白大搶JC風頭外，仲有眼不識JC嘅警鐘胸，又話睇唔出JC有警鐘胸，不過佢就讚JC身材好好，比自己更健康。JC近日因被拍到身上有疤痕而被指隆胸，佢就澄清話自己冇隆胸，疤痕係拍戲時戴住嘅特製胸圍留低嘅印痕。
陳七同o靚妹割席
南華中場嘅郭建邦曾同白白師姐郭書瑤（瑤瑤）傳過緋聞，所以白白對佢好感興趣，仲主動同佢影合照，搞到郭建邦鬼咁尷尬仲面紅，不過白白就似乎冧陳七多啲，除咗自爆鍾意細眼男生外，又大讚陳七身材好，又話對方跳水時表現英勇。雖然最近傳陳七已經同女友分咗手，仲話佢翻撻李綺雯（o靚妹）㖭，但係陳七噚日就同記者講唔想再提感情事，仲話嚟緊會專注足球，提到同o靚妹復合一事，佢即刻好鬼勞氣話：「唔答呢啲問題，同佢一定唔係拍拖，亦都冇聯絡。」