母愛真偉大！44歲的溫碧霞之前埋首電影工作，和老公何祖光結婚十年，錯過生育大計。她早前在內地領養被遺棄男嬰，短短一個月，已經令溫碧霞母性氾濫，她揚言萬事以囝囝行先，湊仔游水大滿足，不願拍片不願出門，只等囝囝叫第一聲「媽媽」！
溫碧霞、余安安、羅霖、楊恭如、芭蕾舞家譚元元等，昨日在中環出席EsteeLauder活動。溫碧霞和金融才俊老公何祖光（Kenny），七月領養了江蘇遭遺棄於火車站的男嬰，改名為何國倫（Xavier），早前更豪花20萬，在中國會為養子預祝一歲生日，疼愛有加。
減少拍電影專心湊仔
溫碧霞昨日透露忙於湊仔，連電影工作都減少，她說：「忙takecarebaby，同咗baby成個月，好close，乜事都以佢為先，為佢少拍電影，呢幾年都少拍。」她謂Xavier已有兩個契爺契媽，都是圈外人，非常多人疼錫，溫碧霞說：「之前帶咗佢去countryclub游水，佢好聰明，唔怕水，好易湊，好適應。」
一歲大的Xavier重20磅，她說：「家佢牙牙學語，我都希望佢快啲叫我媽媽。我都唔捨得佢，唔想出咁多門，家生活好快樂，係工作搵唔到嘅快樂，親生同收養其實係冇分別。」她又謂為抱仔搞到手瓜起，自己做慈母，老公就做嚴父。
李彩華寄住老闆娘家
李彩華近年主力大陸發展兼拍劇，她昨日和經理人羅琳、前老闆娘趙雪英三人行，之前和仁愛堂總理王傲山甩拖，Rain說：「我努力做嘢，一向都係靠自己。」她透露暫時寄住趙雪英家中。
採訪：RitaLeung
攝影：ChenWaiOn