筆者公務纏身實在無法寫稿，惟有紀錄與友人的早餐對話充數，分享昨天心路歷程。
張：上周五美股大升，日本又召開緊急會議商討新一輪的救市政策，大家認為後市如何？
P：我自己看好，因為伯南克的講話顯示仍有救市後着，你經常說市場反應最重要，現在就以升市來回應，加上日本衰退已久，寬鬆貨幣（QE）應有刺激作用，兩招齊出，今天理應大好。
I：我都覺得20500好有機會係近期底位，因為跌穿50日線後有支持，加上各方面表現不俗，例如中央不停打壓樓市，但內房股跌極都跌唔落，A股近期可能有見底迹象，今日港股應稍為看好。
張：我覺得都有理由，不過實際可能未必如此，上星期三、四、五期指都以小陽燭收市，當時市場氣氛欠缺，尤其上周五唔跌，似有春江鴨，但又收於20448咁低，以陰謀論來說，市場上有淡友估冇料到，而且沽力不弱。不過，今日受美股刺激應會高開，估計開20800（實際是20763），相信早上大戶會由頭沽到尾，盡量壓至20600左右，希望減少之前淡倉損失。
淡倉止蝕位21300
P：我就不太同意，雖然先前QE2入咗「QE」（伊利沙伯醫院），但伯南克舊事重提，不應掉以輕心。
張：我都認為不可掉以輕心，亦難保已經見底，但估計高開後會先向下，況且淡倉止蝕位在21300，目標20180，中間位就在20740，如果開市已是20740就冇值博率。若開市唔太高，低見20600甚至20500，今日就要留意，收陽燭可以稍為看好，但如果陰燭收市，淡倉於低位時要再平多點，反正到時近20180，無謂肉搏，睇跌穿20180定升破21300才行動。留意個股應該會出到照妖鏡，睇實之前一些下跌股票，如果今日唔彈，會是日後沽空對象，如果已於高位但今日仍強勢，就要做定功課，如公司探訪等，隨時是下一個吸納對象。
張士佳
寶來證券（香港）董事 投資服務部
mailto:[email protected]