港人在馬尼拉被槍殺事件震動全港，全城為重傷嘅Jason（梁頌學）打氣，就連祝賀「金刀梁」梁智鴻醫生獲大紫荊勳章的晚宴上，亦先為事件中嘅死者默哀。曾任醫管局主席嘅梁智鴻，原來同Jason主診醫生方道生好老友，梁醫生祝願Jason早日康復。
八方去咗醫學界為金刀梁搞嘅晚宴，好多個為事件奔走嘅高官同醫生都抽空出席，包括署理食物及衞生局局長梁卓偉、第一時間去馬尼拉嘅瑪麗急症部門主管唐漢軍醫生，仲有蘇利民、梁栢賢同高永文等醫管局現任同前任高層。
方道生出席唔到
至於Jason主診醫生方道生就出席唔到，梁智鴻喺晚宴中播放舊相緬懷一番時，有一張佢同方醫生合照，梁智鴻話佢同方醫生好老友，佢祝願梁家小子可以捱過呢個難關。