小琳揀AudiTTS 吾曳吾愛

小琳揀AudiTTS 吾曳吾愛

最近聽到有女歌星翻唱劉德華的《他的女人》,深深被這把悠揚悅耳的女聲吸引,再聽真點,原來是胡琳(Bianca)。一出道已被標籤靚聲王,可惜星途不算順利,慶幸她暗藏反叛性格,不願屈服愛曳曳,她揀了AudiTTS做拍檔,並直呼:「它就是我找男友的標準,因為夠曳!」

記者:許維雅
攝影:陳陶鈞

翻唱金曲猶如征服

Bianca一出道已被讚是唱得之人,可惜星運平平,她今年決意求變,轉公司後改名小琳,再推出新專輯《JAZZTHEMUP》翻唱四大天王金曲。
翻唱金曲已難,仲要唱男人歌,是不是要向眾人宣示自己的實力?「以前有個製作人提出翻唱四大天王嘅歌,起初我好失望好迷惘,因無信心唱好經典金曲。直至上年因合約問題停工半年,飛返紐約同當地一班出色嘅Jazz音樂人灌錄咗呢隻碟,真係好多謝當時嗰位製作人嘅Idea。」記者亦聽過這隻碟,感到小琳擺脫別人影子,唱出另一番味道,「錄完碟後感覺好似征服咗一樣嘢,道理就好似架車性能好,而你又係一個技術好嘅車手,就毫無疑問可發揮到車嘅優點。」

■特別鍾情AudiTTS,全因它臀部圓圓地夠Cute又Sexy。

揀車揀男友都要曳

一手包辦灌碟再與唱片公司傾約,看到小琳對唱歌的一份執着,亦感受到她野性反叛的一面,她都不諱言自己是一個曳人,「雖然我未有車牌,但成日坐朋友所揸的快車,好享受嗰種刺激感,嗰種推背感好玩到令我不停尖叫,好鬼興奮!」
愛辣車的她揀AudiTTSCoupe2.0TFSIQuattro亦有因由,「我鍾意跑款但又要個樣CuteCute哋,林寶同拉利感覺太男性化,AudiTTS啱女仔,特別鍾意圓碌碌嘅PatPat,可愛得嚟又有少少Sexy。」估不到斯文的小琳,揀車揀男友都是唔曳唔愛,「今日第一次認真由頭望到尾,覺得佢對眼有少少翹起(頭燈),個口好似笑到露棚牙出嚟(鬼面罩),個樣好鬼曳,曳得來又有少少反叛,就係我揀男友嘅標準呀!我誠邀揸AudiTTS嘅人做朋友。」儍大姐不求遠大理想,但求開心的性格貫徹她對歌唱事業不順的看法,「搵到知音人已足夠,紅係Bonus嚟嘅啫!」

■不經意擺個曳樣出來,小琳話較鍾意銀色車身。

■跑車桶椅承托力十足。

■微翹頭燈底部有排閃閃LED細燈。

■小琳覺得鬼面罩好似露齒的嘴巴。

■跑車格局配黑皮內櫳,隱藏野性。

■電鍍鏡為車身帶來畫龍點睛之效。

■錶板顯示各種行車資料,非常清晰,一睇就明。

規格

引擎:1,984cc直四Turbo
馬力:272bhp/6,000rpm
扭力:350Nm/2,500-5,000rpm
傳動:6速S-tronic自動波
售價:$623,000
查詢:合迪汽車(25281862)