【澳門直擊】被封為「最hea港姐」的08年冠軍張舒雅，hea爆兩年後終的起心肝開始工作，昨日她首次開工到澳門出席活動，但她自爆先是保母車死火、接着整頭後慘變落湯雞，最後連坐船都遇上故障，出師不利。
澳門賽馬會昨日在澳門氹仔馬場舉行活動，張舒雅、諸葛梓岐和林莉齊齊亮相。張舒雅自08年當選港姐冠軍後，隨即以病為由向無綫請假，全線缺席港姐活動，其間不時被拍到跟補習天王男友趙永康（David）拍拖，hea足兩年的她終的起心肝工作，昨日更是她首次開工。
與男友感情未變
一頭散髮的張舒雅向在場市民派紀念品，又落沙地為馬匹比賽做評判。她接受訪問初段不時只顧着笑，不懂作答時又望着身邊工作顧問王友良求救，有點神不守舍，她說：「係有啲唔習慣，但感覺幾好。」她又強調兩年來並非hea着生活，又指介意被稱為「至hea港姐」，她表示有讀設計課程，下月將到日本工作。有傳和男友David感情轉淡，才收拾心情工作，張舒雅說：「唔係分手，我哋仲拍緊拖，但我哋嘅事唔同大家分享。」
「選港姐係父母想」
至於和無綫關係，張舒雅表示雖已卸任，但5年內仍有港姐名銜，故接工作都要知會無綫，現在她會以模特兒工作為主，她坦言：「選港姐係我父母想，做模特兒係我自己想。」會否抗拒被稱為港姐冠軍，張舒雅擺明唔畀面無綫說：「我唔會介意，呢個係事實，但我鍾意人哋叫我個名多啲，多過叫港姐冠軍。」
張舒雅又聲稱和無綫關係良好，又力撐今屆港姐質素好，絕非「豬扒」。她又聲言已戒掉吸煙夜蒲。不過她在微博自爆早上坐保母車時壞車，整好頭時卻被雨淋成落湯雞，坐船往澳門又有故障，出師不利。
採訪：胡比
攝影：仇志德