周柏豪噚日喺港台公開招募女友，不過今次搵女友目的係為劇集《有房出租》搵嘅，眼見現場後宮三十佳麗畀佢揀，柏豪笑言感覺尷尬。周柏豪今次會揀三個女仔演出，劇情會講佢哋去爆房，柏豪話自己未去過時鐘酒店，平時有需要都有自己嘅方法搞掂喎！佢有份演嘅舞台劇《我不要被你記住》將會重演，仲換咗楊淇做女主角同佢咀足六場。