擁有38H豪乳嘅日本性感寫真女郎兼DJ松金洋子（Yoko），噚日衣着性感谷晒胸到銅鑼灣宣傳佢今日出席嘅打碟活動，松金喺泳池邊同香港傳媒見面，彎腰、拋胸兼踢埋水，務求畀大家留意到佢出眾嘅身材，銳意攻入香港巿場。
Yoko話之前都嚟過香港shopping，不過工作就係第一次。喺日本出道幾年嘅Yoko，主要做打碟DJ，亦習慣性感示人，Yoko都曾經客串過日劇，佢話好鍾意香港，今次嚟香港開5日工，佢話覺得香港嘅男仔好吸引，特別係睇到雜誌上嘅香港先生，勁讚大隻之餘外表仲好標青㖭。Yoko透過繙譯話：「好想識香港男仔，希望可以識番個本地男孩學廣東話，方便喺香港發展。」
唔識香港藝人
形象性感到爆燈嘅Yoko話有唔少人搵佢拍性感電影，但係講到全裸演出，佢就毫不考慮話唔可以，Yoko解釋：「間中可以性感演出，但係拍戲唔着一定唔得，好似着比堅尼打碟就可以囉﹗」雖然有意嚟香港發展，但係Yoko就話唔係好認識香港藝人，佢話自己最欣賞都係同鄉木村拓哉喎﹗
