康泰團友被槍殺慘劇後人人心情低落，任職消防處助理文書主任嘅楊綺琴罹難，消防處似乎後知後覺。慘劇周一發生，經過四日，連全港哀悼日都過埋，消防處處長盧振雄噚日先至喺該處網頁同埋政府facebook致悼文。
死者中有港鐵職員、港大舊生，相關嘅機構都好快公開慰問傷者或向死者致哀，港鐵仲承諾照顧罹難職員遺下嘅子女，相比之下，消防處反應克制得多。八方發現在facebook上，消防處職員都讚楊女士盡忠職守，同時有唔少消防員留言鬧爆高層，質疑對下屬遭遇不幸漠不關心。不過遲做好過唔做，處長噚日終於發悼文，相信可以安撫下屬，亦告慰在天之靈。