惡樣縮水SUV　細細粒好揸手

有些車款總被定型適合某類人，揸七人車多是住家男、跑車是優皮族、房車代表穩重！現時很多人都不愛人云亦云，更不要被定型，各車廠早已將不同元素注入車款中，當中SUV就是最佳例子。今次MitsubishiASX具跑車外形，但注入溫順可愛的DNA，絕對適合女孩子。

記者：趙慧敏
攝影：周旭文
Model：Chloe@Zmodel

外形似鯨鯊

心水清的車迷，望見三菱Mitsubishi的ASX，相信有似曾相識之感，無錯！ASX以早於2007年法蘭克福車展中所展示的Concept-CX概念車設計為基礎，而日本本土則名為RVR。由於ASX外形較同廠的七人Outlander細一個碼，難免會將兩者比較，不過個人覺得Outlander仍偏向硬朗的SUV純種車；相反ASX則加入不同元素，但純以設計概念來說，令人感到玩味十足。
車形是一輛百分百的小型SUV，如以車身線條來說，反而更偏向跑車化，惡形惡相加上特大鬼面罩，就如一頭張口的鯨鯊，再配上猶如怒不可遏的雙目，確實擁有懾人氣勢！別忘記車長4,295mm，高度只有1,625mm，高度與一個中等身形女孩相若，以SUV來說，無疑是縮水版，所以很適合女士駕馭，上落車不會成走光陷阱外，開關尾廂亦毋須趷高腳咁辛苦！

■女孩開關尾廂都不用找人幫手。

震撼超巨天窗

雖然外形偏向狙獷，但設計絕對有女孩般細心溫柔一面，原來前輪沙板以高級樹脂製成，輕微碰撞後可自動修復，唔止自己架車無咁傷，就算唔好彩撞到人，受傷程度都可大大降低。甫入車廂，就發現ASX的浪漫一面，一個由車頭橫跨至第二排座椅的無敵玻璃天幕靚到足以令人窒一窒，整個天幕面積達954mm×860mm，早上是一片藍天白雲，晚上配埋圍繞天幕旁的橙色LED燈組，醉人夜景全奉上；加上普通級數都有原裝皮座，前座座椅採用SUV普通的半桶式設計，腰部緊貼座椅，當然不如跑車般貼身保護，保留適當的活動空間。