張家輝同官恩娜（Ella）噚晚去到會展出席「台風星光影展暨一閃一閃亮晶晶首映」，提到菲律賓港人被脅持槍殺，家輝話事發當日佢喺內地宣傳，睇到消息好難受，佢話：「如果件事喺香港，香港警察一定會搵架同類巴士研究點營救人質，當地政府絕對要負責任。」至於成龍話代表香港唔嬲菲律賓警方，家輝話：「我冇睇過佢講乜，但相信每個香港人都認為對方唔啱。」家輝又否認有消息話佢老婆關詠荷要人工受孕，佢話一切順其自然。