楊千嬅昨日在尖沙嘴出席「東華之友每月捐款計劃2010」開展禮，她又身體力行加入每月捐款計劃，她說：「做善事發乎情，兩蚊都好，老公都有捐。東華三院開咗多個心理輔導熱線，呢排睇到好多畫面，令人心情難過，我自己都唔開心，睇到一副副遺體（棺木）同家屬反應，都會心痛。」
千嬅又批評菲律賓人打開棺木讓記者拍攝的手法，她說：「應該尊重死者，每個地方有唔同水平，無知代價實在太大，鬧咗咁耐已經冇意思，人都走咗。」
目前千嬅忙於籌備演唱會，她坦言港人在菲律賓慘死事件的確影響工作心情，她說：「事發當日要去上海，返到酒店睇到新聞嚇到個人呆晒，勁㷫同嬲。」
採訪、攝影：魯萍、陳俊強