由詩雅同冼色麗主演嘅新戲《囡囡》，以80、90後援交少女為題，當中有唔少踏底線嘅大膽演出。由於電影題材敏感，所以早前喺第34屆香港國際電影節首映時都引嚟極大迴響。冼色麗對於新戲就嚟上映都抱住期待嘅心情，只可惜內地觀眾就無緣睇到嘞，冼色麗表示：「好可惜因為題材嘅問題，呢套戲唔可以喺內地上，好多內地網民都喺微博留言，我心中有啲感激但又好遺憾。」