【本報訊】下半旗悼念活動結束後，一名中年漢大聲說：「菲傭要全部炒晒佢！菲律賓人全部都係賊！」有男子看不過眼，出口制止變成罵戰，要由警員上前調停。不少到場悼念的市民均表示，港人現應保持理性，不應將憤怒轉嫁到無辜菲傭身上。
勿將憤怒轉嫁
脅持人質演變以8死7傷收場，有港人將不滿發洩到全體菲律賓人。一名70多歲姓葉老伯昨穿上寫着「毋忘菲仇」字句T恤到金紫荊廣場參加悼念。另一名中年阿叔更在場高呼「炒晒全部菲傭」，與朋友到場悼念的郭先生（圖）表示看不過眼，與該阿叔理論，但雙方越講越㷫，最後要由藍帽子警察將兩人分開。郭先生事後認為，今次慘劇沒人想發生，「唔可以因為一件事，就鬧晒所有菲律賓人」。
帶同小朋友到場悼念的賴先生亦稱，到場是希望表達連日來對菲律賓政府的不滿，但「炒菲傭」不是處理問題的方法，「我哋雖然心痛，但今次係一次好特殊嘅事件，我哋唔可以混淆埋一齊處理」。
坐輪椅到灣仔出席悼念儀式的鄭先生亦指，本港的菲傭在今次事件相當無辜，「成件事唔關佢哋事，係關政府同警察嘅事，港人唔應該將憤怒轉嫁畀佢哋」。