【本報訊】「Weshareyourpain.（我們跟你們同樣悲痛）。」港人蒙難，菲人同悲。天主教香港教區主教湯漢呼籲港人不要讓情緒掩蓋理智，因槍擊慘劇而仇恨菲律賓整個國家；有菲律賓駐港總領事館職員對事件感痛心，批評菲政府救人不力，請求港人原諒。
教區昨午舉行彌撒，特別為慘案中的死者默哀，主持彌撒的湯漢表示，對事情感「非常傷心」，「為死難嘅人，有關嘅家庭，感覺非常痛惜，我都同佢哋一齊受苦，好似聖保祿咁講，一個人受苦，眾人都受苦，大家係兄弟姊妹，希望佢哋節哀順變」。
「愛人要有憐憫之心」
曾長期服務菲律賓團體的湯漢，近日得悉在港菲籍朋友受到不禮貌對待，「出街有人言語之間刺激佢哋，個氣氛令佢哋有少少壓力，希望盡快可以過咗去，愛人要有憐憫之心，但係唔好掩蓋咗我哋理智，唔好因此對整個國家同人民產生非理性態度、報復之心呀咁，唔好」。
他表示當晚有看直播，「如果我係佢（菲律賓政府），我直情答應咗佢（槍手要求），等佢落咗嚟囉，因為佢已經非理性、狀態唔正常，咁先係最聰明嘅辦法，不過好可惜喇，佢哋咁處理」。
菲駐港人員求原諒
菲律賓駐港總領事館昨晚在聖約瑟座堂舉行彌撒，近百人出席，領事館員工ClarissaVillamor為事件感到痛心，直斥菲政府和槍手談判時間太長，感到失望，要求菲政府盡快徹查事件，亦希望港人能原諒菲律賓。
菲律賓駐港總領事柯明在彌撒中致辭，表示為事件感到難過，同時感受到港人的悲痛。他又稱，目前逾15萬菲律賓人在港居住和工作，十多年來與港人甘苦與共，希望和港人一起面對逆境，他在弔唁冊上寫上「weshareyourpain，ourdeepestcondolence（我們跟你們同樣悲痛，致以最深切的慰問）。」有出席的菲律賓人與友人相擁而哭。
