【本報訊】在菲律賓脅持人質慘劇中唯一一個家庭可以安全回港的老夫婦，指這兩天都沒有好睡，「個心好痛！」72歲的李奕彪形容兇徒原本是「仁慈槍手」，後來的發展是因為「菲律賓政府連一線希望都唔畀佢」。66歲的妻子徐鳳貴亦認為造成慘劇是菲律賓警方談判策略有問題所致。
「肚痛是神的祝福」
居住在西貢的李氏夫婦返港兩天後，昨日相約女兒飲茶，街坊見他們歷劫歸來，不禁上前擁抱問好。身為虔誠基督徒的李太說，自槍手上車她知道旅遊巴被脅持後便開始祈禱，祈禱了20分鐘後突然覺得肚痛，「係神藉此祝福我」。李太說，她獲槍手釋放後立即找現場的紅十字會人員，向他們表示丈夫患有嚴重糖尿病，「要打針同食藥，否則會暈」。
紅十字會人員立即找現場的警隊負責人，由警方向槍手要求釋放李奕彪。李太說，丈夫未獲釋前，她還天真地向警員要求讓她返回車上照顧丈夫，因為當時她覺得槍手不會殺人。她謂：「槍手上車後叫我哋唔好郁，又講過『我冇事，你哋都冇事』。」警員不讓她返回旅遊巴，幸丈夫其後也獲槍手釋放。
李太直言：「呢個係神蹟！」李奕彪則表示是太太救了他，又說：「最驚一刻係落車時，槍手喺我後面搭我膊頭嗰一刻，因為唔知會有乜變卦。」
對於今次慘劇，李太說：「呢兩晚都瞓得唔好，兩、三個鐘頭就扎醒……覺得好心痛，相處咗幾日，團友都好似朋友，大家都係香港人嘛！希望佢哋（生還者）快啲平復、堅強一啲。」第二次到菲律賓旅遊的李太說：「有陰影，以後都唔會再去菲律賓啦！」
槍手命令人質換位
李奕彪又澄清，槍手其實是在聖地牙哥古堡上車，命司機將車開往黎剎公園。李認為槍手很有作戰經驗，「佢每隔個半鐘或者一個鐘就要人質換位坐，又將車打橫喺馬路中心，明顯係好有策略」。他又指槍手肯釋放小童和長者，其實是「一個好人」。