有小舒淇之稱嘅內地模特兒潘霜霜，即將推出一本集性感同可愛於一身嘅寫真集，以佢嘅身材出嚟嘅效果應該有一定睇頭。其實佢出道之後都拍咗唔少電影，仲同好多香港演員合作過，之前有謝霆鋒、蔡卓妍（阿Sa）同張家輝，最近就同劉德華拍《我知女人心》。到時寫真集推出，相信都會有一班電車男擁躉支持。