社民連「三儍」包括主席陶君行、副主席吳文遠同秘書長季詩傑啱啱去完美加，社民連嘅街頭抗爭路線以及阿陶早前同支聯會嘅紛爭，自然係唔少香港移民嘅關注焦點，但阿陶勢估唔到，仲有一樣嘢引起美加港人高度關注，就係點樣換張智能身份證。
阿陶透露喺美加接受電台訪問，好多移民打電話入來，都話會喺選舉時返香港投票，但同時又發現，原來自己仲未換番張智能身份證喎，都唔知點算好，所以紛紛喺烽煙節目中，當咗阿陶係入境處職員咁「求助」。阿陶估唔到美加移民有此一問，喺冇乜準備下啞口無言，睇嚟特區政府都要做多啲關於海外移民如何換領智能身份證嘅宣傳囉。