昨日港人同聲一悲，黑衣、燭光代表對遠方遇難同胞的祝福及懷念。難眠的一夜，眾藝人透過微博及親身發言，對死者哀悼、對救援行動的指摘。內地導演陸川指救援部隊無能，溫碧霞更坦言對菲國開始反感。撰文：李森
溫碧霞：
我覺得好難過，一路睇新聞，我覺得菲律賓警察真係處理得好差，如果菲警手法唔係咁笨拙，人質唔會死咁多，又話有神槍手，個槍手成日走出嚟，點解唔開槍打佢，一早打死佢，唔使害死咁多人，對呢個國家我開始有啲反感！
劉若英：
剛收工聽到悲劇、氣憤、悲傷，為受難者及家屬致哀……還需要省思。
白韻琴：
我同阿Paul（謝偉俊）講，我想帶埋個大學生菲傭，跟我去做談判專家，細個做童軍都知道救人要喺黃金8小時內，拖咁耐，真係好可惜，政府應該即時包機派香港特種部隊過去救人，有啲嘢唔應該講，但我都要講，菲律賓係nomoneynotalk。
陳奕迅：
聽到新聞後好心噏，點解會有呢啲事發生？聽完都冇心機，希望佢哋啲屋企人節哀順變，雖然係好難，但正面啲去睇，人生在世做到啲乜就做。
羅志祥：
為甚麼要用這樣的方式？你怎麼可以那麼自私？你只希望大家讓你復職還你清白，但你用這樣的方式是毀掉他們本來有的幸福跟未來！太氣憤了！
GEM：
看見無辜的香港遊客……的確讓人痛心疾首；看見無能的菲律賓政府，和一大群畏首畏尾的愚蠢警察，也的確讓人怒髮衝冠。希望他們積極面對未來。
內地導演陸川：
看了新聞報道，為香港同胞被脅持事件為同胞痛！也明白菲律賓從來政局不穩定，無能的政府，無能的軍隊，愚蠢無能！
蕭若元：菲律賓總統竟然說不知道槍手在車內可以看到電視直播車外的現場情況，不但是白癡得要命，原來他還是不看電影的。這種橋段早在電影中出現過無數次。
黃百鳴：菲律賓~香港遊客~馬尼拉~脅持~人質，舊曆七月十四是鬼節，傳說是鬼門關大開的日子，一群找開心的人去錯了鬼地方，一班愚蠢的警察，製造了一場令人心酸的大悲劇，比《唐山大地震》更悲的大悲劇。
杜汶澤：不幸事件已經發生，都知大家好多憤怒，但都有好多值得大家去敬佩，好似梁生為咗保護家人而自我犧牲，大家真係要少啲抱怨，唔好令在生嘅有太多負面情緒，其實每個國家都有風險。
鄺美雲：只要應承槍手要求，攞番佢把槍先，點都要放晒啲人出嚟先，有咁多機會，送飯時諗辦法放啲藥落飯度，整暈晒啲人囉，真係唔會再去呢個地方，太危險，菲律賓人都好慘，有個咁無能嘅政府，對人命漠不關心。
應采兒：花錢去旅行、促進你們的經濟，還殺我們，為的就是上國際新聞？殺誰都不好。
胡定欣：今天選擇着黑色衣服，希望受害者……一路好走！！
吳卓羲：所謂的菲特警真的不知所謂，火都嚟。
曾華倩：昨晚睡得不好……半夜醒來無數次，一想到港人遇害的新聞，心裏就很難過！希望仍在搶救中的二位傷者可以平安回港！願遇害身亡的香港人，一路好走！
羅家英：菲律賓人恩將仇報，香港人不立危牆，印尼、中東、印度、非洲少去為妙。
周秀娜：我前晚都有留意新聞，覺得好心痛，見到電視畫面好想喊，所以要更加珍惜身邊人。都覺得處理方法有問題，慶幸仲有生存者，希望過身嘅人安息，不過我冇去過菲律賓，今次係個別事件。