近日忙於拍攝電影《BeachSpike熱浪球愛戰》的周秀娜（Chrissie），昨日抽空行內衣騷，大晒34D的美好身段，不過因拍電影關係，Chrissie每日穿上比堅尼在烈日當空乾煎12小時，曬得一身蜜糖膚色之外，更令胸部變成黑白波，朋友都笑她是雙皮奶，Chrissie考慮完成手頭的工作後，嘗試裸曬讓上圍回復均勻顏色。
周秀娜昨日在尖沙嘴為日本少女內衣品牌PeachJohn示範秋季內衣，吸引大批傳媒採訪，Chrissie共示範了4套內衣，包括少女系的粉紅內衣、野性的豹紋喱士內衣、睡袍及家居服，同場示範還有另一混血模特兒，她跟Chrissie一樣都是34D上圍，兩人齊齊大騷噴血身材較量。不過行騷時，記者發現Chrissie其中一套內褲打孖穿，以為她月事來臨，事後她解釋只是兩套內衣穿在一起。
粉底補色
Chrissie接受訪問時透露剛從日本返港，她說：「我之前喺日本拍咗內衣廣告，家日日拍戲曬足12個鐘，所以曬到咁黑，今日行騷都要用粉底補色，拍戲着比堅尼仲曬到黑白波，朋友笑我雙皮奶，套戲仲要拍到9月中。」
男友可有見過其黑白波？Chrissie說：「佢呢排好忙，冇機會見面。」可會裸曬令上圍顏色曬得更均勻？她說：「香港唔會，工作太忙，如果喺私人泳池都可以考慮。」
採訪：R.AuYeung
攝影：ChanShunChing
