一年不見陳兆焯，感覺依舊。
去年6月開始，陳兆焯、林希聖加上正生書院，在媒體炒作下炙手可熱，一說青年吸毒就想到正生跟她的非一般校長。然而成也媒體敗也媒體，一篇報道，為他換來廉署熱咖啡與外間的唾棄謾罵。
理所當然以為陳兆焯由天堂墮入地獄，好不容易才能重返人間。他說，本來就沒有上升過，何來下跌？「壹仔（《壹週刊》報道）呢件事，我覺得只係一場壓力測試，正生由管理層、老師到學生，好漂亮咁攞到Q嘜認證。」他說學校發展從沒停步，方向未曾改變，形容正生浴火重生再上征途，誤解與誇張罷了。
「學識點樣面對傳媒」
「呢一年，我最大得着係學識點樣面對傳媒，講嘢小心咗。」陳兆焯笑着說。由去年6月遷校諮詢大會，到8月《壹週刊》報道學校賬目混亂，正生頭頂的光環隨記者筆桿由明轉暗，「我一直以為香港人好實際，但求結果唔問過程。你買到個靚橙，點知有人會突然懷疑種橙嗰個人偷錢」。
指控並非毫無先兆，有心人曾事先暗示，但陳兆焯沒有放在心，「行得正企得正怕乜嘢？」但負面報道的速度並不尋常，最終與傳媒打起攻防戰，「明白你哋嘅遊戲規則，原來大家解讀嘅模式唔一樣，正如我家要諗一陣先答，一樣有記者理解成為諗藉口」。
攻防戰再演變成正生的壓力測試，結果測試成績相當不俗：風頭火勢時放手讓學生自決是否留下，全員沒有一人坐上街渡離開；捐款數字一度大跌，但今年已慢慢回升；學生數目有增無減，有心人教師越來越多。這個Q嘜認證，他說得來不易。
陳兆焯說，回過頭來，該痛心的不是正生，而是風光一時的抗毒計劃。火熱的報道與嚇人的數字，讓陳兆焯一度以為，正生這頑石可激起抗毒千重浪。政府果然看準時機「入市」，驗毒抗毒計劃接連出爐，「呢場仗我哋絕唔會輸」。這等口號如斯叫人振奮，「有啲似當年嘅芝士蛋糕，大家一窩蜂排隊，其實未必買到喎，但係至少可以同人講，我排過」。
嘆學校繼續粉飾太平
一年了，吸毒數據依舊，而校園驗毒抽出的吸毒個案為零，抗毒像阿富汗戰線，戰亂依舊但軍方撤離，「欷歔o架！原來大人所講嘅關心程度就只有咁多。上年我仲幻想，呢鋪有希望啦，幾單吸毒cases喺學校斷正，點知啲校長繼續選擇沉默詐唔知，風一吹完，大家回復正常。明知有o靚仔o靚妹援交吸毒，都係決定繼續粉飾太平」。
話題又回到正生書院，梅窩空置校舍與新高中課程安排至今仍然膠着，巨石繼續壓頂，課室依舊擠擁，「呢啲只可以等教育局，希望佢哋唔好將件事政治化」。學校無意蹉跎歲月，剛剛暑假，派了十多名學生到雲南某大學學電腦美術技巧，「好開心o架佢哋，哎吔都叫做讀過大學課程」。去年學校領獎無數，新學年搞搞新意思突破自我，「搵到個音樂老師，成立咗第一隊合唱團，會參加校際音樂節」。
總結這一年，算不算慘勝？「勝？我冇贏亦冇輸，唔通黃榮生入到大學就叫贏？如果我哋可以收少啲學生，或者先可以叫做贏。」陳兆焯道。
記者夏志禮