【本報訊】有指脅持人質的槍手收到當地申訴專員的信件，得悉復職無望，加上眼見弟弟被捕，接到一通電話後即開始殺人。曾為本港警隊談判專家的警務處前助理處長黃敦義指出，談判過程應盡量掌控脅持犯的通訊，同時分析其真正訴求，「例如佢話要求復職，其實可能係想得到公平處理」；當無法答應要求時，如何回覆對方是挑戰所在。
「最緊要知佢想要乜」
對於菲律賓當局指槍手最後不聽談判專家的電話，黃敦義指出，談判專家一般會先跟對手接駁一條專線，方便隨時和長時間溝通。他認為，事發不久槍手釋放部份人質原本是好迹象，但雙方談判不果時，警方應立即部署如何解決。
黃敦義指出，手機的普及對談判工作構成挑戰，若犯人只能跟警方溝通，有利穩定場面，明顯今次無法做到。他又指出，談判的基本原則是不能欺騙對手，當無法答應其要求，需技巧應對，「唔能夠達到對方要求好常見，要技巧咁將事實話畀佢知，同時睇吓有冇其他嘢解決到佢面對嘅困難」；例如槍手是前警察，很清楚復職的規定，「最緊要係知道佢真正想要乜嘢同驚乜嘢，例如佢話想復職，其實可能係想得到一個公平嘅處理」。