有人總喜歡走中間位，你說他無性格亦無不可，不過如果所講的是車，可能有些尷尬，好像AudiQ5，擁有豪華SUV派頭，但欠缺Q7城市越野的氣勢，永遠擔當細佬角色，不過今時今日要扮大佬都好易，來個超過20萬的S-Line「裝身」，豪氣與豪邁一齊湧埋身！
記者：趙慧敏
攝影：王文忠
Model：Sansu@PureModels
20件配件重新裝備
講起Audi的城市越野車，我想十人當中有八個，第一時間想起的必定是Q7，龐大車身加上三排七座再配超大尾廂，必是SUVFans的首選，不過如果只是日常代步，細一號的Q5就最適合不過，至少女士能夠駕馭有餘。不過有人覺得Q5身形Fit爆，但不夠Man，所以代理剛推出這款Q5SpecialS-LineEdition，重整裝備後，Q5確實帶來Q7的氣勢。
全車內外合共加上近20件大小原廠配件，由外裝到實用兼備。全車在S-Line擾流器襯托下，令越野感更突出，加上Xenon頭燈、20吋五輻式合金胎軨，大大增加粗獷味。至於內櫳，繼續貫徹AudiQ版的豪華特性之外，換上S-Line高桶跑車座椅，層次當堂升級，不過個人覺得Audi的S級雙色座椅更奪目呢！另外，實用配件都增加不少，ComfortKey令車主開車㩒個掣就掂，非常方便，還增設泊車鏡頭、MMI導航系統，加上電動尾門開關等，設備很周全細心，就算架車俾老婆女友揸都好放心！
中級身形不輸蝕
雖然一般人都覺得Q5與Q7同樣是Q版兄弟，兩者的豪華性差不多，至於身形，Q5當然細一截，但獨立看，其實它不是縮水車，事實上身形一點也不小，長4,629mm、高1,653mm、闊1,880mm，雖不屬巨無霸，但也屬中級身形，配備2.0公升引擎，加上FSIquattro，輸出馬力達211hp，峯值扭力去到350Nm，而且由1,500轉已開始輸出，加上七前速Stronic波箱，應付不同路面完全無問題。雖然今次代理罕有地開出一部「眼看手勿動」的Q5SpecialS-LineEdition版拍攝，事關至今仍是獨一無二，雖未能一試裝身後的路面表現，不過單睇個白馬王子外形，已經搶晒分！
組件逐件加
Q52.0TFSIquattro規格
引擎：1,984cc
馬力：211hp/4,300-6,000rpm
扭力：350Nm/1,500-4,200rpm
傳動：七前速Stronic自動波箱
售價：
$489,000起
$698,625（SpecialS-LineEdition版）