究竟有冇外星人？時間旅行可能嗎？幾時係宇宙大限？八方除咗留意政圈秘聞，亦成日思考呢啲問題。Discovery頻道同香港太空館將會喺9月12號合辦優先場，放映《史蒂芬霍金特集》，等大家探索科學家史蒂芬霍金嘅天才思維，探索宇宙奧秘。
曾經訪問過香港嘅霍金早前喺Discovery頻道節目呼籲大家唔好主動接觸外星人，又告誡人類要移民去外星先可繼續生存。優先場將放映《史蒂芬霍金特集》嘅〈接觸外星人〉（Aliens）、〈穿梭時空〉（TimeTravel）同〈霍金構思的宇宙〉（TheStoryofEverything）呢三個單元嘅精華。詳情9月1日起可以去太空館網頁。