【本報訊】城市大學犯罪學課程主任黃成榮指出，菲律賓脅持香港旅客造成多人死傷事件中，負責營救的菲律賓當局並冇認真正視脅持人質的槍手訴求，使用低水平的談判策略，刺激槍手動殺機，間接將人質推向危險處境。
黃成榮表示，從新聞發放的資料顯示，槍手最初相信菲律賓仍有公義，僅希望透過脅持旅客引起當地社會及政府高層關注，藉以支持其翻案復職，他並冇傷害人質的意圖，「佢曾經係優秀警務員，就算有怨恨，佢亦都相信任何爭論都唔應該傷及老弱幼童，所以佢率先主動釋放老人家同小朋友」。
然而，當地政府無正視槍手的訴求，使用低水平的談判策略，黃成榮說：「警方只係搵槍手嘅細佬去同佢傾，但冇任何政府高層官員或議員同佢談判，反映警方冇誠意。」他指出，一次又一次的失敗談判，令槍手感到失望，令心理遭受挫敗，「當局唔信佢，不滿情緒不斷累積，最後忍無可忍而動殺機，所以菲律賓當局係間接將人質推向危險處境」。