港股噚日觀望氣氛濃厚，成交縮到只有463億，恒指全日喺狹窄波幅上落，期指結算前都應該冇乜大變，大戶集中轉倉活動同做結算後嘅部署。
花旗股市走勢偏淡，投資者情緒亦唔多好，反覆下試支持位機會好大，對短線港股係負面因素。噚日較為強勢股份有本地公用股同內地電力股，短炒可以望多兩眼。
潤電C輪23761：華潤電力（836）噚日報收17.34元，升1.28%。股價近排喺10日同20日線拉鋸，上禮拜五下試50日線迅速反彈，噚日開始推上，突破10日線，短線有機會試18元，破位睇18.80元，可以諗吓隻C輪23761。
隻輪現價17.2仙，2011年2月2日到期，行使價18元，溢價13.7%，引伸波幅43.9%，槓桿率10.1倍（有效5.1倍），正股升上18.80元，23761睇25.4仙，正股跌穿16.60元就沽咗隻輪。
俊樺