香港足球先生陳肇麒（陳七）早前被傳翻撻o靚妹李綺雯而狠飛黐身女友Natalie，事後o靚妹在網上留言拒愛，結果辣㷫陳七在微博怒轟她，日前更暗示她抽水博宣傳，要劃清界線。o靚妹近日又被女友人在facebook鬧爆撬牆腳，但o靚妹隨即在網上反擊，力指對方分手與自己無關。
與女友Natalie分手後被傳翻撻李綺雯（o靚妹）的陳肇麒（陳七），上周從韓國集訓返港，由南華事頭婆梁芷珊率領與隊友到中環Armani試西裝，終開腔談感情事。
對於一直周旋於新歡舊愛之間，陳七說：「過咗去咁耐，唔想人哋講任何嘢都扯上自己。」可認為o靚妹有抽水之嫌？他未有否認：「總之唔想再有呢啲報道，我唔係娛樂圈嘅人，人哋都係想睇我踢波多。」有傳陳七難忍Natalie癡纏而分手，他只一笑置之；又問他目前是否單身？他說：「唔知，總之我同Natalie關係OK。」
陳七開腔無奈
陳七強調自去年爆出與o靚妹拍拖後，兩人未有聯絡、碰面，斬釘截鐵與o靚妹劃清界線。問他會否後悔與o靚妹拍拖，他無奈說：「唔想講亦唔想提，希望今後大家有各自嘅話題，唔好再扯上對方嘅名。」
自傳出陳七翻撻o靚妹後，兩人反面導火線源自o靚妹先於facebook撰文寫道：「年輕時，我們總是可以不顧一切地相愛……很多事情，我們輸不起也賠不起。」其拖泥帶水的態度暗傷Natalie，被辣㷫的陳七即於微博反擊：「『我賠不起』邊個要你賠？唔該唔知就唔好亂講！……你有冇理吓人哋嘅感受？」
o靚妹被鬧虛偽
原來o靚妹除辣㷫陳七外，更辣㷫一女性友人。女方在facebook以MaWing之名鬧爆o靚妹虛偽，向她表示友好無非是想接近其男友。不過，o靚妹隨即在對方facebook以LeEMarine名字留言反擊說：「我根本由始至終都待他如朋友。你地分手我也是剛知不久。為甚麼要拉我進來？」o靚妹昨日在無綫電視廣播城參與新劇《萬凰之王》拜神儀式，記者就撬牆腳一事致電她了解，但她說：「我家開緊工，唔講住。」
採訪：王崇穎
攝影：陳慧安、林德雄
