許志安近日受情變困擾，負面報道不絕兼被稱為大話男。前晚他演出新城音樂會，原先唱三首歌，但因感冒臨場只唱兩首。見他明顯消瘦，但仍落力表演憑歌寄意，fans則不斷為他打氣，希望他早日重振雄風。
新城20周年台慶音樂會前晚在灣仔會展舉行，劉德華、楊千嬅、容祖兒、林峯、古巨基、何韻詩和曹格等均參與演出。早前宣佈和女友Michelle分手的許志安，隨即傳翻撻鄭秀文（Sammi），怎料前助手「細佬」潘恒章踢爆和安仔秘密拍拖兩年，結果男方被指為大話男，及後安仔撰寫公開信剖白，卻未有開口解畫。
臨時改歌縮表演
安仔前晚原先唱《愛你》、《前程錦繡》和《金鐘罩》，但臨場改唱《我的天我的歌》和《真心真意》，不知是否因歌詞更貼切表達其心情？安仔稍再剪短頭髮，明顯較前消瘦，面頰有點凹陷，但他表現投入，唱至興起時下身更一度「動L」，可見他相當用力演唱。安仔未有接受訪問，唱片公司人員表示他感冒聲沙怕影響演出，故改唱兩首歌。
另一嘉賓何韻詩拿起結他自彈自唱時，不小心整爛結他的一粒「的」，她隨即大叫：「我冇咗粒『的』，點解我身形永遠係咁，工作人員唔該幫我搵吓。」但再彈時結他又沒電，難怪她說：「搞乜。」
華仔辣舞享艷福
華仔壓軸出場，當他唱《假裝》時和女舞蹈員跳貼身舞，女方更把華仔的面按向自己胸部。訪問時華仔表示12月會在港開演唱會，問他在後台見到安仔時有否送上安慰？他說：「我冇見到佢，亦冇打畀Sammi，希望大家畀啲空間佢，佢係大人識得處理，希望時間可以淡化吓。」
採訪：馬建華
攝影：黃文成
