商界功能組別嘅選民原來包括外國駐港領事館，反映功能組別嘅設計幾咁荒謬。香港總商會主席胡定旭同埋商界立法會議員林健鋒噚日出席公開活動，被問及對呢單嘢嘅睇法時，即刻發揮功能組別嘅特色，用廢極嘅謬論兼卸膊嘅推功，將個波推畀政府，想置身事外。
胡定旭話，作為總商會，最緊要係吸納世界各地唔同嘅公司、機構，令商家有個「好好嘅network（網絡）」，至於功能組別修例與否，就係「政府同選民嘅事」，言下之意，即係唔關佢事囉！
林健鋒就話，個制度沿用咗十幾年，「唔需要太武斷現時係唔係違反《基本法》」，但需要修例嘅話，都會聽吓各方意見喎。