林峯、古巨基及容祖兒等前晚在佛山出席「勁歌王」頒獎禮，三人均奪得三個獎成大贏家，基仔更第四度蟬聯勁歌王，祖兒則獲頒勁歌后獎項，無綫力捧兼英皇新寵林峯則奪得全能藝人獎。
認收視差
林峯談到近日被疑整容的劉愷威貌似倒模其樣貌時，他說：「咁好笑，我自己由俾人話改造，到家俾人話跟住我嚟改造，娛樂性嘅嘢笑吓無妨。」他謂沒時間看劉愷威照片，但又很有興趣地研究自己與劉的年紀。
對於劉愷威曾笑指香港容納不了兩個林峯，故他要在內地發展，林峯說：「咁講咁幽默？我一向喺內地發展開o架喎，唔好玩啦。」談到新劇《摘星之旅》收視不濟，他說：「係，但我坐的士時個司機話好好睇，可能只係嗰個時段啲人未收工，套劇戲味濃，要坐定睇，食飯時要relax唔啱睇，我冇失望，因為自己已經進步咗，最重要口碑唔差。」
採訪、攝影：曾小嘉