最美麗的港姐朱玲玲噚日朝早同老公羅康瑞齊齊以杏色便服現身跑馬地養和，撞啱正等緊大劉女友呂麗君嘅記者，羅康瑞仲拎住份醫療報告嘅公文袋，記者上前慰問佢哋，朱玲玲亦大方回應，一改之前避答大仔啟剛同台灣主播趙彤緋聞時嘅態度，朱玲玲話：「我哋係探朋友，個報告係幫人拎，唔係我。」之後二人大方任記者影相，然後坐平治房車離開。