近日有指吳君如懷了第二胎，昨日她出席電影《得閒炒飯》宣傳活動時，雖然穿了鬆身衫，身形明顯比以前略胖，對於被甘國亮踢爆有孕，她極力否認，並且以行動闢謠，當其他演員步行上台時，她卻跑上台，又與觀眾跳舞，證明自己身輕如燕，還叫大家放長雙眼睇。
吳君如被指懷孕的起因，由她推拍甘國亮的新片《熱愛島》開始，甘國亮直指君如「有孕冇大肚」。昨日君如與周慧敏、谷祖琳、萬綺雯、張兆輝和陳偉霆在將軍澳出席電影《得閒炒飯》宣傳活動，當有人恭喜君如有喜時，她即說：「唔使！」有人叮囑她上落樓梯要小心，她更說：「黐線！」
「總之唔係小器」
君如被問到是否懷孕不足3個月，以防嬰兒小器的禁忌所以否認？她說：「唔係有咗，都話唔係咯！總之唔係小器，你哋咪放長雙眼睇吓，佢（指甘國亮）不嬲講嘢都係咁o架啦！我講過暑假唔接戲陪女，Peter（陳可辛）叫我唔好接，係我自己唔啱，冇斬釘截鐵即刻推，自己把持唔住，猶豫不決，其實個故事好耐人尋味，我同甘生saysorry啦！」不過現年45歲的吳君如昨日的確明顯發福，且腰股渾圓。
周慧敏澄清冇微博
陳可辛目前正在雲南拍戲，君如指暫時都不可以和丈夫努力造人，她說：「雲南太多山，海拔二千幾呎，我驚扯氣，都一把年紀，我係講Peter。」
另外，周慧敏表示最近收到fans投訴，指她沒有update微博，她說：「我除咗有一個官方網頁，根本就冇微博、facebook同blog，只係有人冒認我個名開微博。」
採訪、攝影：魯萍、陳順禎