方伊琪下月初將會喺荃灣大會堂舉行兩場《我只在乎你》演唱會，紀念鄧麗君、梅艷芳同張國榮等巨星嘅經典作品，仲請咗鄧梓峰幫佢伴奏結他同自彈自唱。方伊琪日前接受訪問時話：「細個學歌唱時，老師叫我學鄧麗君唱歌，我曾經同佢一齊登台，好欣賞佢，今次演唱會對我嚟講最難演繹係佢，會有種無形壓力。」