【本報訊】政府新推的3招14式，對壓抑樓市成效備受質疑，不少市民更認為「無料到」，指現時資金氾濫，息口超低，是導致樓價飆升的原因，政府應檢討措拖成效，並對症下藥，建議復建居屋，及向內地客買港樓加入更多限制。
新招未能對症下藥
從事貿易生意的謝先生認為，在現時資金氾濫及低息環境下，政府的招式實難起壓抑樓市作用，「睇發展商咁踴躍投地就知」。他相信，樓價即使回軟，幅度也不大，因為跌5至7%，又會有人湧入市。
他直言，近年樓價急升，是內地熱錢所致，政府應對症下藥，例如外地人來港買樓，應加入更多限制，如將投資移民來港投資的資產門檻，由650萬元，提高至1000萬元以上，又或者要徵收炒樓重稅等，好過禁止一手樓摩貨，因現時摩貨根本不多。
他又贊成復建居屋，因現時香港樓價「貴到離譜」，市民根本買不起。
到元朗翹翠峰參觀現樓的何先生表示，3招14式對樓市「冇乜大影響，招數唔夠狠，就算部份屋苑樓價有波動，但都唔會好長久」；現時銀行息口太低，而且市場累積一定數量的買家，近期賣地成績又好，大大增強入市信心，所以除非經濟向下，否則政府出招亦無助樓市降溫。
同樣到翹翠峰睇樓的曾小姐也認為，「政府啲新措施作用唔大，出咁多招都冇咩用」。她現居於屯門，有意換樓購入大單位，雖然翹翠峰不乏大單位選擇，「但呢度（翹翠峰）地點隔涉，交通咁唔方便，都要賣成5000蚊一呎，真係好貴，咁樣就知政府根本干預唔到樓價一直上升」。
慨嘆過早賣樓賺少15%
另一睇樓客潘先生認為，政府推出的新措施不會影響樓市，就算出招後，他觀察到樓價的波幅不大，尤其一些中細碼物業市場亦無大變化。至於他入市與否，視乎需要，不會被政府政策打亂。
新盤睇樓客林先生亦說，市場熱錢多，政府出招都無用。他又慨嘆自己看錯市，今年2月將軍澳賣地前，沽出區內自住物業後再租樓住，樓價卻繼續升，少賺15%。