被老婆趕出街？離家出走？但你可以走得多遠？當你已經是一個愛上家，愛上住家菜的住家男時。因此，有一種人就算離家出走都要攬住個超級智能煲、極速攪拌器，唔識煮飯？煮飯婆走佬？統統無有怕！
記者：馮敏兒
攝影：陳鈞陶
Model：Jason,Boo@Zmodel
每分鐘3萬轉 連皮帶籽速碎
原來靚仔Jason是《3D玉蒲團》第二男主角，今回Jason預演出走住家男，果然七情上面，肉緊抵死，跟我們今日要測試的高智能廚神科技，非常登對，完全演活了測試過程中發現的驚喜。飛利浦「智營煲」恍如一個解放了的電飯煲，內置30種只須按一個鍵就搞掂的煮食程式，除了煲飯，燜、蒸、焗、燉，連老火湯、紅豆沙、梳乎厘都樣樣掂。德國寶的超高速攪拌器「黑鑽石自然養生機」可以發動每分鐘3萬轉鋼刀，把蔬果連皮帶籽統統打碎，將含高營養高纖維的植物生化素溶進湯汁之中，冷材料入，熱騰騰出……
廚房白癡即變賢妻廚神
無論你是懶人、廚神，還是廚房白癡，都會被「智營煲」的神技吸引，安全方便，完全不用睇火，煮飯連各種米種都幫你計算埋，紅豆沙亦手到拿來，唔怕滾瀉。全自動燉烏雞、燉蛋、蛋糕、冬蔭功、酸奶、糖水……幾乎無所不能，其中煮煲仔飯真係有飯焦，而且唔會燶，唯一缺陷是少了明火煮食的「火氣」，但它肯定是一件入得廚房，出得廳堂的超級「嫁妝」。
雙劍合璧豆漿豆花全自助
「智營煲」與超高速攪拌機「黑鑽石自然養生機」可說最佳拍檔，向來工序繁瑣的蘿蔔糕，一個磨一個蒸，易過借火；用「智營煲」煮意粉，配「黑鑽石」即攪的意式茄醬：將茄肉、茄乾、茄醬、番茜、羅勒、糖、鹽、蒜茸等全部放入，1分30秒搞掂！但講到絕配還數自製豆腐花，唔使隔渣，唔使撞石膏粉，先把黃豆浸水5小時，再和糖煮20分鐘，放入「黑鑽石」磨。想食豆腐花，那就把豆漿成品放入「智營煲」先煮，煮至中途個煲就會閃燈和發出嗶嗶聲叫你，這時你把預先準備，溶了石膏粉的小量豆漿水倒入燉盅，20分鐘倒數開始！
德國寶Pro-8輕觸「黑鑽石」自然養生機trade-in價：$3,380（以市面上1,000轉以上的攪拌器trade-in，可獲$1,500折讓，優惠期至9月30日）
德國寶產品查詢：27732888
梳乎厘7分鐘典外別傳
因為隨機食譜沒記載，實驗梳乎厘誤用了40分鐘蛋糕程式，結果慘變老火焗蛋，但食落都唔太差！經師傅教路，原來用「智營煲」做梳乎厘只需7分鐘：先將牛油搽上智營煲膽內以防黏底及增加香味，然後將2隻蛋黃攪勻倒入煲內，再將剩餘2隻蛋白加2匙白糖發打至起身，一併倒進煲內，按「焗蛋糕」鍵，並人手調校時間到7分鐘即可。
