楊千嬅昨日到電腦通訊節會場，出席「環保友道企業大獎」頒獎禮。身為大使的千嬅擔任頒獎嘉賓，又稱婚後成為主婦，自己更注意環保。她說：「家買多好多家庭用品，個唱前又會食健康食品，去買咖啡都會自己帶杯。」
否認拍劇爭獎
提到有指她為無綫拍音樂特輯、又打算將婚宴供無綫直播以爭取年底的最佳女歌手獎，她說：「講到咁遠？其實公司係想我演唱會前宣傳吓，TVB都冇幫歌手拍特輯好耐啦。我幾十歲人，呢啲理唔到啦，家我理咗嗓子同身子先啦，其他乜都係假。」
問到是否辦完婚宴後就會與老公努力造人時，她說：「唔好提喇，之後仲忙，又要宣傳電影、又要錄國語碟、要走遍大江南北做巡迴演唱會，惟有叫丁生陪我，順便放吓假囉。連婚禮嘅嘢都全權畀佢負責，滿足佢嘅操控慾。」撰文：丁寧