政府忌憚97年高峯期製造大批負資產的陰影，近月在打擊炒賣樓花措施上顯得畏首畏尾，擔心落藥過重會令樓價應聲下滑，背上重大政治包袱。所以炒家又多一個藉口，向小業主重施故技，向地產代理下鋤價指令，又有執平貨的機會。
炒樓花佔摩貨比例低
今時今日，當揸鑊鏟炒家背後實力強勁，加上低息環境令他們持貨能力強，即使持貨多一年半載，若見不到有大跌機會，同政府鬥耐性、同小業主鬥財技，高手比比皆是。
打擊炒風其中一招，乃不准樓花摩售。政府可能經常出入官門，不知賣樓方式，樓花樓除非是現樓，否則採用建築期付款，要待入伙時才上會，短則1年、長則20個月，正如月前開售的一個北角遠期樓花，入伙期在2012年底，首期只兩成樓價。
何況目前炒樓花的投資者，佔整體摩貨比率微不足道，反而不去管炒二手細價樓的投資者，請問上車客買樓花多抑或買二手樓多，政府向土地註冊處拿資料一看便一目了然。這項措施更令炒家安心，繼續炒細價樓。
早前樓價飆升過急，使部份炒家趁高位出貨，如美孚師奶樓神年初入市，7月急出貨，大獲厚利，增持現金實力等待另一次入市機會。睇番日前售出單位平均每伙賺兩成，有個別去年底入貨更賺了五成，鎖定利潤賺到變成肥師奶。如今政府出招打壓炒風，令這批市場敏感度極高的專業炒家，多一次入平貨機會。
新政苦了上車客
反之，辛辛苦苦剛儲了半成首期的人，由於香港按揭保險公司配合政策，即時停批九成半按揭，頓時令這批人上車夢再一次落空，不知等多久才能夠有上車機會。
5月份政府推出「9招12式」，老樓判斷措施反而會益了炒家入市。今番雖然落藥較重，但對炒家活動不但沒有影響，反而助長炒家更努力鋤價，增加執平貨機會。
劉兆昌
http://www.HKLau.com