【本報訊】暑假最後一個大型展覽，香港電腦通訊節昨日於灣仔會展開幕。大會公佈截至下午5時有逾10萬人次入場，比去年同期增加5%。不過，多個商戶指受到深水埗腦場狙擊，人流和營業額均比去年下跌兩至三成，若銷情未有改善，今日可能要提早劈價清貨。記者：林浚川
灣仔的電腦通訊節昨日開幕前，已有近百名市民排隊入場搶購特價貨，排頭位的幾名青年清晨5時許已在會展外輪候，大會提早3小時於上午10時開放讓公眾入場。大部份人第一時間搶購「1蚊記憶卡」，但其他限量優惠產品反應未算熱烈。16歲的梁同學準備逾2,000元掃貨：「深水埗腦場電腦節我都有去排隊，兩邊嘅特價貨唔同，兩邊我都會買嘢。」
內地客出手較闊綽
兩位同樣姓黃的女學生則表示，灣仔電腦節產品較集中，地方亦較舒適，因此購票入場，最終花了近2,000元買了三部手提電話和兩個電腦喇叭。柯先生則花了過萬元購買手提電腦和數碼相架等多款產品，「一早諗好買乜，順便入嚟睇吓新嘢，有時間會再入場」。
以「1蚊記憶卡」作噱頭的微思數碼高級市場主任方啟光表示，首日銷情理想，相信營業額可以有兩至三成增幅。聯動科技市場主任陳穎濠表示，外置硬碟和打機套裝反應良好，因為價格都比市面便宜，又指內地客出手較闊綽。
不過，冠恒集團市場經理余志德估計首日人流和營業額比去年跌兩成：「舊年啲特價貨唔使10分鐘賣晒，今日慢好多。」代理EIGHT高清影音器材的豐旭貿易，負責人黃先生同樣表示人流不及往年，「好彩啲產品吸引，營業額都算OK」。
腦場揚言奉陪到底
不過，有不願透露身份的參展商指，深水埗腦場電腦節搶走不少客人，今日可能要提早減價，「有好多客都打嚟問深水埗有冇呢啲貨，如果價錢一樣就唔過嚟灣仔。」
主辦單位香港電腦商會主席梁定球否認人流比去年少：「呢啲係佢哋錯覺嚟啫，星期五當然會少人啲，到咗星期六日一定多人。」他有信心展期內人流和營業額都會比去年上升。
另一邊深水埗腦場電腦節加推八項針對性優惠產品搶客，例如以限量60隻「1蚊4GBUSB手指」反擊對手的「1蚊2GB記憶卡」。腦場電腦節主辦單位香港電腦業協會副主席呂健忠強調，無論對方提供甚麼優惠，都會奉陪到底。
灣仔電腦通訊節部份搶手貨
‧東芝16GBUSB手指 價格：198元 攤位：P01
‧MSI500GB外置硬碟 價格：478元 攤位：N31
‧Asus超薄一體電腦 價格：3988元 攤位：M21
‧DataOne320GB外置硬碟 價格：379元 攤位：M21
‧EIGHT高清錄影機 價格：999元 攤位：P15
‧EIGHT19吋電視 價格：1499元 攤位：P15
資料來源：各參展商