仗義每多屠狗輩，自稱「徐老鬼」的被告徐威，表示自己只有中一程度。除殯儀業外，大部份正當職業他都做過，現已退休，靠綜援過活，家境清貧。他的義舉引起廣泛報道，但昨日仍謙稱自己只是在機緣巧合下，做了一件「稍為有點良知嘅人都會做」的事，更笑言「冇咩咁大不了」。他只寄望社會和諧，「將來發生類似嘅事，都會有人幫番我」。
徐威學歷低，但出口成文，說話時愛用成語。內地出世的他，曾在國營車廠工作，不問政治。但生活逼人，六十年代他偷渡來港，涉獵建築、運輸、紡織及餐飲等各行業，辛勤工作。退休後百無聊賴，每天游早水及睇電視消磨時間，吃的是清茶淡飯。記者昨日到訪其公屋寓所，陳設簡單。
稱從未拍過拖
他稱從未拍過拖，「我唔鍾意求人，又唔想睇人面色」，至今仍是孤家寡人，「冇家庭負擔，一身輕鬆」。追問之下，他自稱早年亦曾因幫朋友而遭還柙，最終罰款解決。
後來，他又錯信同事兼好友，遭騙去60萬元畢生積蓄，令他要由私人樓搬往公屋。他慨嘆：「義字當頭，義字累。」
本報記者
正義阿叔徐威金句
「我只係蟻民，又唔係名流紳士，冇乜好講。」
「你哋搞到我好似明星咁，好似黎明咁。」
「真係陰功！個阿婆又白內障又老花，跪咗響度，你仲想點呀？佢揸住枴杖o架，你仲拉人上車過唔過份啲呀？」
「絕對係義氣，冇私心，出於同情。」
「十個八個彪形大漢，圍住個七、八十歲嘅阿婆，你夠唔夠膽拉個畫龍雕鳳嘅人？」
「以後再見到呢啲事，我當睇唔到，搵機關槍指住我，我都唔會再幫人！惹禍上身，為乜啫？」