葉劉淑儀下周二60大壽，喺呢個咁重要嘅日子，葉劉揀咗對佢好重要嘅人、即係代表匯賢智庫出戰南區薄扶林補選嘅劉應東一齊過，因為葉劉已經決定，當日去數碼港為愛將劉應東拉票。
據聞匯賢智庫嘅職員已經準備為葉劉搞個別開生面嘅生日會；葉太囡囡Cynthia以前曾經喺辦事處為佢搞過「沙灘派對」，唔知今年會唔會食過翻尋味，移師數碼港舉行？
一向親力親為嘅葉劉又直認，係佢代劉應東推咗亞視國際台個補選論壇，覺得不如做多啲實務嘢仲好。點知因此令劉應東被節目主持咬住唔放，質疑劉應東因為雞腸唔好避席，但葉劉力撐愛將英文得，應付對手司馬文（PaulZimmerman）冇問題。