小弟好鍾意睇戲，乜都睇，放假無聊多數去電影中心hea；啱啱星期三off，同建仔去睇就落畫嘅《翡翠明珠》，佢話自己想睇祖兒，我就踢爆佢其實想睇峯峯。
好多人對《翡》評價好一般，又狂插「港版伽俐略」；我唔係咁睇，雖然入場嘅都係o靚妹多，但其實有啲位都幾好笑。講堅，成場都笑，話晒都係睇無記劇大，啲橋唔會太差嘅！未睇過就小小小，唔係幾好咯！（睇完撞到舊戰友水傑，都係咁靚仔！）
上場愛華頓輸波，我都冇睇，不過好似睇戲一樣，冇睇就鬧，好唔客觀。今日「拖肥糖」主場出擊，信心梗係大過上場作客布力般好多；雖然狼隊上季對佢哋都唔使輸，不過呢場唔同喇，莫耶斯一定想贏，仲要狠狠地嗰隻，捧硬[-1]「主勝」！
守丹
心水：愛華頓勝[-1]
近5場戰績：W
心得：呢隻「狼」作客好屎