袁偉豪同梁政珏日前接受無綫生活台節目《詭異檔案》訪問，梁政珏話試過感冒喺酒店房食藥瞓覺，突然聽到男人腳步聲，自己仲身體僵硬，於是即刻默念心經，怪聲先慢慢消失。袁偉豪就話細個試過撞鬼，有晚夢見自己行去櫥窗亂踢裏面嘅公仔，忽然有人捉住佢後腳，佢掙扎間就醒咗，司徒法正安慰佢話，家神暗中保護佢。