官恩娜等一班歌手前晚喺灣仔伊館演出音樂會，主題圍繞禁毒同包容，官恩娜講起以前喺英國讀書曾經遭遇種族歧視。官恩娜話以前喺英國搭巴士曾經俾外國細路吐口水，佢話：「以前唔敢出聲，啲人成日望住我指指點點，覺得我好奇怪，好似外星人咁，又以為我唔識英文，其實人係平等，身邊都有唔同國籍嘅朋友。」