中聯辦幹部郝鐵川噚日去記協午餐會演講，之後有答問環節，總共有九個行家提問，會後郝鐵川表現客氣，話由於到場係作一場「學術演講」，為體現學術性，所以「對在學術方面提問比較好」嘅記者，送上自己著作《國家拐點》。
有七個記者獲幹部贈書，八方同事以及另一位前《蘋果》記者冇份。佢哋兩個問咗甚麼問題，令到西環幹部「另眼相看」呢？兩個人都係問同一樣問題，就係點解內地唔批准《蘋果》記者返大陸採訪？
毛主席話評定一個幹部優劣，首要標準係無限忠心，遵守紀律，呢方面郝鐵川達標無疑，忠於黨嘅領導與《蘋果》劃清界線，模範幹部也。