向來走玉女及才女路線的鄧麗欣（Stephy），為了突破自己轉型多元化藝人，近日一改其清純形象，穿上性感歌衫變身跳唱女王，將自己以往收得極密的好動一面展現人前。但她坦言因其歌迷比較保守，平日連她穿得比較性感一點也不喜歡，所以轉型初期頗為擔心。
鄧麗欣最近忽然改變形象，穿上性感服飾又唱又跳，還無端端多了一個「跳唱女王」的封號，Stephy說：「我其實唔想俾人封上任何稱號，亦都唔想成日俾人定型係邊一種歌手，希望有多啲嘗試，睇吓大家接唔接受。」
Stephy表示當年Cookies也是跳舞組合，她對跳舞其實有一定興趣，只是近年其作品以慢歌比較多，故沒有機會改變，但近日她想開始尋求突破。
「我都好玩得」
Stephy說：「大家經常見到我都係文靜一面，其實我仲有好動嘅一面，我都好玩得，好好動，唔想人哋只係覺得我係玉女，做藝人應該要多元化。」
忽然轉型，Stephy透露當初最擔心的不是要穿性感歌衫，反而是怕歌迷不接受，她說：「我啲歌迷都比較保守，有時我着得少啲，都問我做乜嘢咁性感，好彩隻歌出咗之後，佢哋都接受到，都覺得我跳舞好睇。」
苦練性感眼神
Stephy又謂記快歌舞步一點也不困難，最難是要她擺出性感又誘人的眼神，她笑謂：「排舞師成日鬧我，話我眼神唔夠殺，逼我返屋企日日對住塊鏡練眼神。」
採訪：胡比 攝影：仇志德
Hair：VincePang@ILColpoTST
服裝：Cocktail
