林莉昨日在天后為校花選舉擔任儀態導師，為參賽者示範行catwalk，她說：「2005年選港姐時，有導師教授，今日希望同大家分享，氣質係由內至外呢一點。」
公司減人手
之前和公司老闆、內地富豪傳緋聞的林莉，排場十足受力捧，近期傳出她甩拖，富豪閂水喉，她被打回原形，只得小助手，助手昨日也有陪她接受訪問，林莉說：「我替佢（指助手）唔抵，佢唔係奀茄助手，佢幫我接好多工作。」
林莉承認公司人事變動，形象設計師Nelson等也離開，人手減少，她說：「我選擇留低，我阿Q精神，公司變動，我冇變，會努力工作做好自己。」是否和老闆甩拖？她說：「我哋都冇開始過，點會分手？佢只係投資者，家冇再注資囉。」她又否認和舊男友翻撻。
採訪：GraceHo
攝影：ChanShunChing