大家仲記唔記得董方卓(紅衫),呢位首位踢曼聯嘅中國球員呢?可惜佢喺效力期間表現乏善足陳,結果於08年被曼聯放棄。之後佢一直發展平平,曾經回流國內嘅大連,今年輾轉到波蘭,效力華沙萊吉亞隊。一心希望效力歐洲一線聯賽嘅董方卓,最近終於搵到機會;因為今季葡超升班馬樸迪莫倫斯,就希望簽佢。據講董方卓周四已啟程,由波蘭飛到葡萄牙報到,相信成事機會好高。畢竟董方卓現年只係25歲,相信仲有大把世界,我求大俠都衷心希望佢喺葡萄牙有好發展。