蒙嘉慧（YoYo）之前與鄭伊健及其家人一齊去北海道旅行，事後被鄭伊健指她已「融入家中」，YoYo昨晚出席時裝活動，笑住受落，但不認是工人。同場何韻詩對好友容祖兒笑稱變剩女一事，力撐對方是豐盛的「盛女」。
蒙嘉慧和何韻詩昨晚在中環，出席比利時品牌AnnDemeulemeester專門店開幕。YoYo一身黑色型格現身，她直言AnnDem是她最愛品牌。她透露之前去老撾探訪，曾熱到中暑，她說：「好辛苦，中咗暑，之後連汽水都拎唔到。其實我有做開運動，但真係非一般熱。」
何韻詩爭認剩女
YoYo之前與男友鄭伊健及其家人去北海道旅行，被傳媒追訪，YoYo全程黑面，她說：「我係絕對唔會黑老人家面，但真係好影響旅行心情。」伊健之前指她已融入家中，她就笑着回應：「我唔係僱傭，我係TVB嘅受薪藝員。」
何韻詩則透露下月底到台灣宣傳，更不介意演台劇，容祖兒在微博笑言變剩女，何韻詩說：「我先係，30幾歲先係，佢唔係剩女，佢係豐盛個盛，我陪佢唔到，佢好自為之。」
Evelyn搵夠學費
此外，I.T旗下的:CHOCOOLATE，昨日在銅鑼灣與adidas搞crossover，o靚模陳嘉寶（Anjaylia）、蔡穎恩（Evelyn）和師妹何思諺（Leanne）等，即場DIY波鞋。Anjaylia、Evelyn即將大學開學，讀時裝的Evelyn指暑期已賺夠今年學費，她說：「一年大約五萬幾學費，夠喇，不過我讀時裝，要買布買料，都希望搵多啲外快補貼，唔使用屋企錢。」
攻讀新聞系的Anjaylia，則透露新學期要學攝影，身邊的Evelyn則踢爆她是相片殺手，曾因不明白格式化是甚麼，將18日旅行照一次過格式化。
採訪：RitaLeung
攝影：WongManShing